საქართველოს ნაკრებმა სომხეთი საპასუხო მატჩში გამანადგურებელი ანგარიშით 6:1 დაამარცხა.
გოლები : კიტეიშვილი (დუბლი), მიქაუტაძე (დუბლი) ჩაკვეტაძე და კვარაცხელია.
მედიაში გავრცელდა ინფორმაცია, რომ ქომაგების სტადიონზე შევარდნის გამო საქართველოს ნაკრები შესაძლოა დასაჯონ და მომდევნო მატჩი ცარიელ ტრიბუნებზე ვითამაშოთ.
ქომაგების სტადიონზე შევარდნას კომენტატორი ანდრო ხელაძეც ეხმაურება :
“ისტორიას რო დაწერ და პირველად მიაღწევ რამეს, კი ბატონო, მოსულა მინდორზე შევარდნა. ინგლისშიც ეგრე შვებიან და იტალიაშიც.
მაგრამ ის რაც ეხლა დინამოზე ხდება, ქაჯობა და სირცხვილია.
ამის გამო შეიძლება დაგვაჯარიმონ და შემდეგ თამაშზე საერთოდ არ დაგვიშვან ტრიბუნაზე.
6-1-ს რო მოიგებ და ფეხბურთელებს იმის საშუალებას არ მისცემ ტაში დაუკრას ხალხმა, გასახდელში რომ გააქცევ მთელ გუნდს – აი რა ქვია მაგ საქციელს?
არაფრის გამო გაგვიფუჭეს ხასიათი.
მესმის ასაკიც, აჟიტირებაც და საერთოდ ყველაფერი, მაგრამ ასეთი ფეხბურთელები რომ გვყავს, ჩვენც ხო შეიძლება სტადიონზე მოქცევა ვისწავლოთ?
იმედია ჯარიმით გამოვძვრებით და თურქეთთან უგულშემატკივროდ თამაში არ მოგვიწევს. გაკვეთილი უნდა იყოს ეს ერთის მხრივ ფანებისთვის და მეორე მხრივ სტადიონის ადმინისტრაციისთვის.
P.S ვინც არ იცით: მინდორზე შეცვივდნენ ბავშვები და არამხოლოდ ბავშვები. ზოგიერთი სომხების სექტორთან მივარდა, აგინეს და რაღაცები ესროლეს.” – წერს კომენტატორი სოციალურ ქსელში.
