ინდური ხალხური მედიცინის „აიურვედას“ ექსპერტი არუნ ხათრი საზოგადოებას პერიოდულად სასარგებლო ინფორმაციას უზიარებს „იუთუბის“ საკუთარ არხზე.
იგი ოჯახთან ერთად წლებია საქართველოში ცხოვრობს და ქართულ ენასაც კარგად ფლობს. მისი მეუღლე ქართველია, წყვილს სამი შვილი ჰყავს. ამჯერად, არუნ ხათრი გადაცემამ „იმუნიტეტი“ მიიწვია, სადაც ბლიც შეკითხვებს უპასუხა:
– რომელია ყველაზე მავნე ჩვევა ჯანმრთელობისთვის? უძილობა. 2-3 საათამდე ტელეფონში ყოფნა ეს ყველაზე ცუდია ჯანმრთელობისთვის. ყველაფერი ჰორმონებზეა დამოკიდებული, 5-საათამდე გამოიყოფა ყველანაირი ჰორმონი.
– დილით ყავა თუ ჩაი? ყავა. ოღონდ ჯერ წყალი უნდა დალიო, კუჭი ცარიელი არ უნდა გქონდეს. ნაწლავის ბაქტერიებისთვის ერთ-ერთი მკვებავია.
– რომელია საუკეთესო დრო ძილისთვის? მაქსიმუმ 10 საათი.
– ყველაზე სასარგებლო რჩევა, რაც ექიმისგან მიგიღიათ? მე ექიმთან ნამყოფი არ ვარ, მხოლოდ ერთხელ გავიტეხე თავი და მაგის გამო ვიყავი. 40 წლის გავხდი და ავად არასდროს ვყოფილვარ. რასაც ადამიანებს ვასწავლი, ჯერ ჩემს თავზე ვცდი.
– რით ჰგავს საქართველო და ინდოეთი ერთმანეთს? ბევრი რამით, ტრადიცია, საჭმელი, ხალხის მენტალიტეტი. ვრცლად,
იხილეთ ვიდეო👇
