მე და ჩემი ქმარი ვშორდებით, ძალიან დიდხანს ვებრძოდი თავს და სულ მინდოდა ამის გაზიარება თქვენთვის, შიში და დარდი მქონდა, მაგრამ ვეღარ ვრჩები ჩუმად“, – ამბობს ცნობილი ბლოგერი, ტიკტოკერი მარიამ ლამაზი და აღნიშნავს, რომ მან და მისმა ჰაიტელმა მეუღლემ აღნიშნული გადაწყვეტილება 6 თვის წინ მიიღეს.
„ეს გადაწყვეტილება ემოციური არ არის, უკვე 6 თვეა ამ სიტუაციაში ვართ, თუმცაღა ახლა ძალიან მეგობრულად ვართ, კი, ამ 6 თვის განმავლობაში ბევრი ემოცია იყო, მაგრამ ძალიან პირად დეტალებს არ მოგიყვებით…
განქორწინებას ოფიციალურად ჯერ არ ვაპირებთ, უბრალოდ ცალ-ცალკე გვინდა ცხოვრება… დღესდღეობით, ბავშვებისთვის, ჩემთვის და ნელსონისთვის ეს საუკეთესო ნაბიჯია…
ყველაზე რთული ამ სიტუაციაში ისაა, რომ კარგი ადამიანისგან წასვლა ძნელია, როცა მოღალატეა, ჯანდაბას, იტყვი – ცუდი ადამიანია და წავედი…
მაგრამ დრო მჭირდება, მარტო ყოფნა, ბავშვებს და საკუთარ თავს მივხედო, ვიცი, ამას ბევრი ვერ გაიგებს, მაგრამ ჩემი ცხოვრებაა..” – ამბობს ტიკ-ტოკზე გავრცელებულ ვიდეოში მარიამ ლამაზი.
