ჩვენი სიმღერით ყოველთვის მზად ვართ სადღესასწაულო განწყობის შესაქმნელად და ჩვენს მსმენელთან ერთად ძვირფასი ადამიანური მომენტების გასაზიარებლად, – აღნიშნულის შესახებ „თეატრალურის კვარტეტი“ განცხადებას ავრცელებს.
„გვიახლოვდება ახალი წელი და გვინდა ბედნიერი წელიწადი გისურვოთ სრულიად საქართველოს – ჯანმრთელობა, კეთილდღეობა და წარმატება იყოს თქვენი წლის მეგზური!
აქვე, მთელი გულით ვულოცავთ აღსაყდრებიდან 47 წლის თავს უწმიდესსა და უნეტარესს, სრულიად საქართველოს კათოლიკოს-პატრიარქსა და მცხეთა-თბილისის მთავარ ეპისკოპოსს, ილია მეორეს – დაე, მრავალჟამიერ იყოს მისი სიცოცხლე!
ჩვენი საახალწლო ღონისძიებები უკვე დაიწყო საქართველოს რეგიონებში. ჩვენი სიმღერით ყოველთვის მზად ვართ სადღესასწაულო განწყობის შესაქმნელად და ჩვენს მსმენელთან ერთად ძვირფასი ადამიანური მომენტების გასაზიარებლად“, – ნათქვამია „თეატრალური კვარტეტის“ განცხადებაში.
