„ეს რას შევესწარი ღმერთო ჩემო.. უცხო ადამიანს ხელი ჰკრა ვიღაცამ და მატარებლის ქვეშ ჩააგდო“ – თვითმხილველის თქმით, მეტროს სადგურ „სახელმწიფო უნივერსიტეტში“ ერთმა კაცმა მეორეს ხელი ჰკრა და ლიანდაგებში ჩააგდო

თვითმხილველის თქმით, მეტროს სადგურ „სახელმწიფო უნივერსიტეტში“ ერთმა კაცმა მეორეს ხელი ჰკრა და ლიანდაგებში ჩააგდო.

მოქალაქე დაჩი დიდიძე, რომელიც ინციდენტს შეესწრო, შემთხვევის ადგილიდან ვიდეოს სოციალურ ქსელში აქვეყნებს. მისი თქმით, სავარაუდო დამნაშავე გაქცევისას დააკავეს.

„სამწუხაროდ მამაკაცი გარდაიცვალა. დამნაშავე მეტროს თანამშრომელმა გოგონამ და 18 წლის ბიჭმა დაიჭირეს გაქცევის დროს. ეს რას შევესწარი ღმერთო ჩემოოოო. უცხო ადამიანს ხელი კრა ვიღაცამ და მატარებლის ქვეშ ჩააგდო“ , – წერს დაჩი დიდიძე.

მომხდარ ფაქტთან დაკავშირებით გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

შსს-ს ცნობით, აღნიშნულ ფაქტზე ბრალდებული პირი სამართალდამცავებმა ცხელ კვალზე დააკავეს.