მსახიობი ლევან ხურცია რუსთაველის თეატრისადმი მიმართულ კრიტიკას სოციალურ ქსელში ეხმიანება და აღნიშნავს, რომ განსხვავებული შეხედულების ხალხის ლანძღვა მიმდინარეობს:
„ახლა ვკითხულობ სოცქსელში ინფოებს. არ ვარ დიდად აქტიური ამ კუთხით. რა ხდება, მეგობრებო, ლანძღავთ რუსთაველის თეატრს, (სადაც ჩემი არსებობის 80%-ს ვატარებ), ლანძღავთ განსხვავებული შეხედულების ხალხს, ლანძღავთ კაცს, რომელმაც ნახევარი არტისტ- რეჟისორები დაგზარდათ და ხელობა გასწავლათ, ბატონ სტურუას ვგულისხმობ. დგახართ, სადაც შენი გვერდით მდგომი ლეწავს რუსთაველის ეროვნულ თეატრს, ქუჩაში წერს „მოგ.. ნთ მშვიდობა” მოთხოვნები ისმის უკვე, დაგმოს ხალხმა თავისი შეხედულება და მხოლოდ თქვენი აზრია სწორი… რა ვიცი, კიდევ რამდენი რამ…
და ამას აკეთებთ ქვეყნის და ქართველის სიყვარულის სახელით… ეს არც სიყვარულია და არც სწორი გზა მომავლის. რა გითხრათ, მადლობა დიდი !! უშეცდომო არავინაა, მაგრამ პატივისცემა ორმხრივია…“
შეგახსენებთ, რომ 5 დეკემბერს გავრცელდა რუსთაველის თეატრის ხელმძღვანელის, რობერტ სტურუას წერილი, სადაც ის ამბობს, რომ თეატრი პოლიტიკურ პროცესებში არ ერთვება – „რუსთაველის ეროვნული თეატრი არის ხელოვნების ტაძარი და ის არც ერთ პოლიტიკურ ძალას არ ემხრობა, მისი მოვალეობაა არ ჩაერიოს პოლიტიკაში…“, დასძენს სტურუა.
