რამდენიმე დღის წინ, მომღერალმა ნინი ქარსელაძემ სოციალურ ქსელში საჯაროდ განაცხადა, რომ 5-წლიანი თანაცხოვრების შემდეგ, მეუღლეს დაშორდა. როგორც მომღერალმა „ინსტაგრამზე“ ერთ-ერთი გამომწერის შეკითხვის საპასუხოდ აღნიშნა, უკვე დიდი ხანია, რაც მეუღლეს დაშორდა.
ნინი ქარსელაძის გულახდილობას სოციალურ ქსელში მისი გამომწერებისგან უამრავი შეკითხვა მოჰყვა – მათ შორის, ჰკითხეს, მისცემდა თუ არა ბოლო შანსს მეუღლეს.
სწორედ ნინი ქარსელაძის გულახდილობის შესახებ ჰკითხა Ambebi.ge-მ მომღერლის დედას, ხათუნა ჟორდანიას ინტერვიუში, რომელშიც ის ოჯახსა და მისი ოჯახის მისამართით სოციალურ ქსელში გავრცელებულ ნეგატიურ კომენტარებზე საუბრობს.
ჟურნალისტის შეკითხვაზე: „სოციალურ ქსელში ყველას გაუკვირდა ნინის გულახდილობა, ფაქტია, რომ ის ბოლო წლებში მედიასთან ნაკლებად კონტაქტობდა. განსაკუთრებით მაშინ, როცა ეს პირად ცხოვრებას ეხებოდა“, ხათუნა ჟორდანიამ განაცხადა:
„ეს ნინის უნდა ჰკითხოთ. ცოტა ჩაკეტილად იყო რამდენიმე წელი და ვფიქრობ, ეს მისი შეგრძნებები იყო, რაც ინსტაგრამზე დაწერა“
