“ეს ძალიან დიდი ტრავმა იყო, ძალიან მეწყინა,” – ვთვლი, რომ არ ვიმსახურებდი” – რას ამბობს ნუცა ბუზალაძე

„ჩემი ამბავი – მუსიკა და საუბარი“ – ამ სახელწოდებით გაიმართა 21 ივლისს, ფოლკლორის ცენტრში მომღერალ ნუცა ბუზალაძის შეხვედრა გულშემატკივრებთან.

ნუცამ სხვადასხვა თემებზე ისაუბრა, მათ შორის განვლილ ევროვიზიაზე.

„ევროვიზიაზე ფინალში რომ გავედი, ძალიან გამიხარდა, ჭკუაზე არ ვიყავი, მაგრამ როდესაც უკვე 21-ე ადგილას გავედი, რა თქმა უნდა, ჩემთვის ეს ძალიან დიდი ტრავმა იყო, ძალიან მეწყინა, ვთვლი, რომ არ ვიმსახურებდი, რადგან ძალიან ბევრი ვიშრომეთ და ყველანაირი რესურსი ჩავდეთ…

ხდება ხოლმე, რომ ბევრს შრომობ და გგონია, რომ სასწაულ შედეგს დადებ, მაგრამ ხანდახან არ გამოდის, თუმცა, ეს იმას არ ნიშნავს, რომ ცუდი მომღერალი ხარ“, – ამბობს ბუზალაძე.