ღამის შოუს” ბენდის წევრი თათა გიორგობიანი ინტერნეტს საკმაოდ ბევრ დროს უთმობს.
მოგეხსენებათ, ის ფსიქოლოგის პროფესიას ეუფლება და სოციალურ ქსელში თავის ცოდნას ადამიანებს უფასოდ, გასაგები ენით უზიარებს. სასარგებლო და მარტივად გასაგები ფსიქოლოგიური რჩევების მიუხედავად, ადამიანების ნაწილს თათას ვიდეოების მიმართ აგრესია მაინც გაუჩნდა, განსაკუთრებით – თავდაპირველად, თუმცა ამას მისთვის ხელი არ შეუშლია, რომ წამოწყებული საქმე გაეგრძელებინა, პირიქით – აპირებს, ამ წამოწყებას უფრო სერიოზული, პროფესიული ელფერი მისცეს.
თათამ ცოტა ხნის წინ მის მიმართ კრიტიკასაც უპასუხა და გამოაქვეყნა ვიდეო, სადაც ამბობს, რომ ცხოვრებაში დროს ყველაფრისთვის პოულობს: „დიახ, სარეცხს ვრეცხავ და მეამაყება, კულინარიც კარგი ვარ და არც სწავლას და კარიერას ვაკლებ ყურადღებას“.
შეგახსენებთ, რომ თათა გიორგობიანის რჩეული კონსტანტინე მოსიძეა.
