გოჩა ჩერტკოევი და მისი მეუღლე შორენა 90-იანი წლებიდან ამერიკაში ცხოვორბენ. წლების მანძილზე მათ არაერთ პრესტიჟულ ტურნირში გაიმარჯვეს. არც ისე დიდი ხნის წინ მათ დალასში გახსნეს თავიანთი სტუდია – Gocha & Shorena’s Center of Dance, რომელიც დიდი პოპულარობით სარგებლობს. ცენტრში ბავშვებიც დადიან და უფროსებიც, რომლებსაც ან პროფესიონალურად უნდათ ცეკვების შესწავლა, ან კიდევ საქორწილო ცეკვის დადგმა სურთ.
წყვილი ამ ადგილას ძალიან დიდ დროს ატარებს და ისე მოაწყვეს ცენტრი, როგორც თავად სურდათ და მოსწონდათ. აქ ეთნიკური სტილისა და ავანგარდის ნაზავი იგრძნობა. სავარჯიშო დარბაზთან ერთად არის მოსასვენებელი კუთხე და საგულშემატკივრო ტერიტორია. საკმაოდ დახვეწილია გარშემო ყველაფერი.
რაც შეეხება სახლს, წყვილი ვაჟთან – ლევანთან ერთად ცხოვრობს და როგორც ამბობენ, ძალიან მეგობრობენ ამერიკაში მცხოვრებ ქართველ კალათბურთელ ზაზა ფაჩულიასთან. ზაზა ხშირად სტუმრობს მათ – მოცეკვავეების სახლი, როგორც ფოტოებიდან ჩანს, ეკლექტიკურია.
გოჩა ჩერტკოევის ვაჟი
ოჯახში რამდენიმე ძაღლიც არის, რომლებიც პატრონების დიდი სიყვარულით სარგებლობენ.
