სულ მცირე ხნის წინ საზოგადოება ბერძნული კინოს ვარსკვლავს გამოემშვიდობა – მერი ხრონოპულუ 6 ოქტომბერს გარდაიცვალა და როგორც ჩანს, ანდერძი მრავალი წლის წინ უკვე შედგენილი ჰქონდა.
მედიასთან ისაუბრა მსახიობის ნოტარიუსმა, რომელმაც დეტალები არ გაამხილა, მაგრამ განაცხადა, რომ ანდერძი გახსნილია და მასში მოხსენიებულია ქართველი ქალბატონიც, რომელიც მის გვერდით წლების მანძილზე იყო, ახლა კი, საქართველოშია დაბრუნებული. ხრონოპულუს ქალბატონი ლამარა არ დავიწყებია და როგორც ბერძნული მედია წერს, ის მემკვიდრეთა შორის არის.
ჩანს, რომ მსახიობმა საკუთარი ქონება დაუტოვა ორგანიზაციას, “ბავშვის ღიმილი” და ქალბატონ ლამარას, რომლის შესახებაც მუდმივად სითბოთი საუბრობდა, რადგან ეს საკუთარი პიროვნული თვისებებიდან გამომდინარე დაიმსახურა.
მემკვიდრეობის დეტალებს ნამდვილად არ აქვს მნიშვნელობა, უაღრესად სასიხარულოა ის ფაქტი, რომ ყველაფერი, რასაც მერი ხრონოპულუ ქართველ ქალბატონზე საუბრობდა, გულწრფელი იყო და საბოლოოდ, შრომა და ერთგულება დაუფასა.
წყარო: https://georgians.gr/meri-xronopouloum-qartveli-qalbatoni/
