მეტეოროლოგი კობა ფარტენაძე ოქტომბრის ბოლო დღეების ამინდის პროგნოზის შესახებ სოციალურ ქსელში წერს.
„ფაქტობრივად, ტემპერატურა კვლავ რჩება საშუალოზე მაღალი და ზოგან თუნდაც ცხელი, მაგალითად, დასავლეთ საქართველოში, სადაც ტემპერატურა უკვე ერთი კვირაა +25°C ზე მაღალია.ოქტომბრის ბოლო დღეებია, მაგრამ იგრძნობა სექტემბერი, ამ ყველაფრის მიზეზი ამინდის კონკრეტულ კონფიგურაციაში უნდა ვეძებოთ, თუმცა მეტეო ანალიზით თავს არ მოგაწყენთ, უფრო საინტერესო იქნება მოსალოდნელ ამინდზე ვისაუბროთ მომდევნო დღეებში.სიტუაცია ძალიან პოზიტიურია – თბილი ჰაერის მასების ინტენსიური გადმონაცვლება მომდევნო დღეებში კვლავ გაგრძელდება, რომელიც შექმნის იდეალურ პირობებს კვლავ თბილი და ზოგან ცხელი ამინდისთვის!შაბათ-კვირას დასავლეთ საქართველოში +27, +29 გრადუსამდე დაცხება, აღმოსავლეთში კი +23, +25 გრადუსი იქნება, მოსალოდნელია მზიანი ზღაპრული ამინდი მთელს ქვეყანაში.მაქსიმალურად შეგვიძლია დავტკბეთ უქმე დღეებში ბუნებაში ყოფნით, ამინდი ამ ყველაფერში აუცილებლად შეგვიწყობს ხელს, არ დაგავიწყდეთ ,,ოქტომბრის მზე რასაც ანათებს, ყველაფერი ოქროსფერი ხდება” – წერს მეტეოროლოგი.
