სამწუხარო ინფორმაცია – ცნობილი ქართველი რეჟისორი გარდაიცვალა

საქართველოს კულტურის, სპორტისა და ახალგაზრდობის სამინისტრო სამწუხარო ინფორმაციას ავრცელებს:

“საქართველოს კულტურის, სპორტისა და ახალგაზრდობის სამინისტრო მწუხარებას გამოთქვამს ცნობილი ქართველი კინორეჟისორის, სცენარისტისა და მწერლის, ლიანა ელიავას, გარდაცვალების გამო
ლიანა ელიავა 1968 წლიდან კინოსტუდია „ქართული ფილმის“ რეჟისორი იყო; გადაღებული აქვს შემდეგი ფილმები: „ბზიანეთი“, „მშვენიერი კოსტიუმი“, „ეპისკოპოსი ნადირობაზე“, „ფერმა მთაში“, „სინემა“. ბოლო ფილმი -,,გზის დასაწყისი“ – კი 1981 წელს გადაიღო. მის ფილმებს ,,პოეტურ კინოდ“ მოიხსენიებდნენ.
ლიანა ელიავა არის ავტორი წიგნებისა: „სიზმრად ნანახი ფილმები“, „კინო უეკრანოდ“.
მიღებული ჰქონდა ვენეციის საერთაშორისო კინოფესტივალის ოქროს მედალი, იყო კინემატოგრაფიის საკავშირო სახელმწიფო ინსტიტუტის ახალგაზრდული ფესტივალების ლაურეატი და საქართველოს კინოაკადემიის წევრი.
საქართველოს კულტურის სამინისტრო პატივს მიაგებს ლიანა ელიავას ხსოვნას და უსამძიმრებს მის ოჯახსა და ახლობლებს” – ნათქვამია განცხადებაში.