36 წლის დენ რეიონოლდს და მის ჯგუფს “IMAGINE DRAGONS”-ს უამრავი გულშემატკივარი ჰყავს მთელ მსოფლიოში. მოდით, ცოტა უფრო ახლოს გავიცნოთ და გავიგოთ მისი ოჯახური და პირადი ამბები.
1987 წლის 14 ივლისს დაიბადა ნევადაში, ლას-ვეგასში. მეშვიდე ბავშვი იყო ცხრაშვილიან ოჯახში. 6 წლიდან უკრავდა ფორტეპიანოსა და სხვა მუსიკალურ საკრავებზე, საკმაოდ ნიჭიერი იყო, თუმცა მუსიკოსობაზე არ ფიქრობდა.
დაზვერვის ფედერალურ ბიუროში სამსახურს გეგმავდა და კოლეჯშიც კი ჩააბარა. თუმცა სტუდენტობის წლებში, მეგობრებთან ერთად – ენდრიუ ტოლმანთან და ბრიტანი ტოლმანთან ერთად შექმნა მუსიკალური ჯგუფი. თავიდან ქავერებს მღეროდნენ ბარებში და წვეულებებზე, მერე კი საკუთარი სიმღერებიც შექმნეს. მალე ჰობი უფრო დიდ რამეში გადაიზარდა, შემოერთეს სხვა წევრებიც და სერიოზულ ჯგუფად ჩამოყალიბდნენ. დღეს “გრემის” მფლობელებიც არიან, საუკეთესო ალბომის ტიტულისაც და მსოფლიო ტურნეებსაც ატარებენ.
აქტიურად ემხრობა ლგბტ-მოძრაობას, მონაწილეობს საქველმოქმედო კონცერტებში.
რეინოლდსი 2011 წელს დაქორწინდა ეიჯა ვოლკმენზე, რომელთანაც 4 შვილი შეეძინა. თუმცა მათ ქორწინებას ბევრმა შვილმა ვერ უშველა და 7-წლიანი თანაცხოვრების შემდეგ ცალ-ცალე ცხოვრება დაიწყეს, ოფიციალური გადაწყვეტილებების გარეშე. 2023 წელს კი ოფიციალურადაც გაიყარნენ.
