ამერიკის ავტორ-შემსრულებელთა კონკურსში ორი ქართველი, ნინი შერმადინი და თათია კობალაძე მონაწილეობდნენ.
სამწუხაროდ, თათია კონკურსს დისკვალიფიკაციით გამოეთიშა, თუმცა, როგორც ჟურნალი „გზა“ წერს, ხმების რაოდენობით ლიდერობდა.
ამჟამად მომღერალი ბათუმის ინფექციურში წევს კოვიდის დიაგნოზით, სადაც სუნთქვის გაძნელების შემდეგ გადაიყვანეს.
თათია კობალაძე ჟურნალ „გზასთან“ ამბობს, რომ კონკურსიდან დისკვალიფიკაცია ქართველის გამო მოხდა:
„ტოპხუთეულში ჩვეულებრივად ვხვდებოდი. ხმის მიცემის რვა საათი იყო დარჩენილი. მონაცემებით კიდევ პირველ ადგილზე ვიყავი. კონკურსის ანკეტის შევსებისას კონკრეტული კითხვები არ იყო მოცემული, თუმცა წესდება წავიკითხე, სადაც ეწერა, რომ კონკურსანტი აუცილებლად ამერიკის ან კანადის რეზიდენტი უნდა ყოფილიყო, ამერიკაში მუშაობის და ცხოვრების უფლება უნდა ჰქონოდა, რომ გამარჯვების შემთხვევაში პრიზი მიეღო. მაშინ ვიფიქრე, თუ ჩემი სიმღერა შემდეგ ეტაპზე გადავა, დოკუმენტაციის მომზადება პრობლემას არ წარმოადგენს-მეთქი. ყველაფერს ისე მოვასწრებდი, რომ ფაქტობრივად, ამის შესახებ ვერც ვერავინ გაიგებდა, ვიღაც ქართველს რომ არ მიეწერა…
თავად კონკურსის წარმომადგენლებმა მითხრეს, მოგვწერეს, რომ თქვენ რეზიდენტი არ ხართ, შესაბამისი დოკუმენტები წარმოგვიდგინეთ, თორემ კონკურსანტების სიიდან დისკვალიფიკაციით „ჩაეხსნებითო“. იმდენად დადასტურებული ინფორმაცია ჰქონდათ, რომ სანამ პასუხს მივწერდი, ჩემი ანგარიში უკვე წაშლილი იყო, რომ სცადოთ, ჩემს პროფილზე ვეღარ გადახვალთ… ნერვიულობის ფონზე სუნთქვის უკმარისობა უფრო მეტად დამეწყო და საავადმყოფოში გადმოსაყვანი გავხდი…“
