ცნობილი მწერლის ოტია იოსელიანი შვილიშვილი, უმცროსი ოტია და მისი მეუღლე ნუცა ცისკარიშვილი, ოთხწლიანი ქორწინების შემდეგ, ივლისის დასაწყისში, ნანატრი შვილის მშობლები გახდნენ. პატარას ბაბუის, დაჩის პატივსაცემად დაარქვეს სახელი. ახალბედა დედა სოციალურ ქსელში აქტიურად აქვეყნებს ფოტოებს და ვიდეოებს და საუბრობს ბავშვის მოვლის საკითხებზე. დღეს კი მისი ვრცელი პოსტი მიეძღვნა წყალში მშობიარობას. როგორც აღმოჩნდა, ნუცამ მშობიარობის სწორედ ამ მეთოდს მიმართა და გამომწერებს უზიარებს გამოცდილებას:
“წყალში მშობიარობა იყო საუკეთესო გადაწყვეტილება. უბრალოდ ყველა, ვინც გადაწყვეტს მსგავსი მეთოდით მშობიარობას, უნდა იყოს თავის თავში მაქსიმალურად დარწმუნებული და ტკივილის მიმართ ამტანი! გააზრებული უნდა ჰქონდეს, რომ მარტო დარჩება ტკივილთან ერთად, გამაყუჩებლებისა და სპინალურების გარეშე და უნდა გაუმკლავდეს!
პინეო ლაქშერში საუკეთესო გუნდი ჰყავთ ზაზა სინაურიძის მეთაურობით! საუკეთესო, თბილი, სახლური და მზრუნველი გარემო არის შექმნილი მშობიარესთვის!
ჩემს გონებაში მშობიარობა საუკეთესო მოგონებად დარჩება მთელი ცხოვრება, და დაჩისთან შეხვედრის მოლოდინი კი ყველაზე ძლიერი გრძნობა, რაც კი ოდესმე მიგრძნია”.
წყარო : Mshoblebi.ge
