ქალი თავს უნდა უვლიდეს, ეს იმაზე მნიშვნელოვანია, ვიდრე მოდურად გეცვათ და მაკიაჟს პროფესიონალები გიკეთებდნენ. შეუმჩნეველი დეტალები ან ქალღმერთად გაქცევთ, ან მოუვლელ დედაბრად… გადახედეთ მოუვლელობის 10 ნიშანს და ეცადეთ, მუდამ მიმზიდველი იყოთ.
შეუღებავი თმის ძირები
მოუვლელი თავი შეუღებავი თმის ძირებით იწყება. ამასთან, არ აქვს მნიშვნელობა, ღია ფერის თმა გაქვთ თუ მუქი. გარშემომყოფებს ისეთი შთაბეჭდილება დარჩებათ, თითქოს პარიკმახერი მოგიკვდათ.
გადამძვრალი ლაქი
დაიმახსოვრეთ, უმჯობესია მანიკიური საერთოდ არ გესვათ, ვიდრე ალაგ-ალაგ გქონდეთ შემორჩენილი. განსაკუთრებით შემაშფოთებლად გამოიყურება მუქი ფერის გადაცლილფრჩხილებიანი ლაქი.
მოზრდილი ნუნები და გაუხეშებული თმა ფრჩხილების გარშემო
ხელები ასაკს გასცემს – ეს ყველამ იცის და ყველა ხელებზე გაკვირდებათ. შეიძლება წვრილმანია, მაგრამ ყველა შეამჩნევს, რომ მოუვლელი თითები გაქვთ.
პრობლემური კანი
გამონაყარი ან შავი წერტილები სახეზე სილამაზეს არ შეგძენთ. არც ერთი პროფესიონალური მაკიაჟი არ გამოიყურება ისე მიმზიდველად, როგორც სუფთა სახის კანი.
ყვითელი კბილები
გვაპატიეთ, მაგრამ არავის უხდება ჩაყვითლებული კბილები. ყავა, ჩაი, შავი ღვინო და სიგარეტი კბილების სითეთრის მტრები არიან, ამიტომ თუ მათი მომხმარებელი ხართ, რეგულარულად უნდა იზრუნოთ კბილების გათეთრებაზე.
დაუსრულებელი მაკიაჟი
სახლიდან გამოსვლამდე თავი სარკეში კარგად შეათვალიერეთ, რათა არ გქონდეთ ჩამოდღაბნილი ტუში, გადღაბნილი პომადა, სქელ ლაქად დარჩენილი ტონალური საცხი.
მშრალი, უსიცოცხლო კანი
კანი მუდმივ დატენიანებას საჭიროებს, რადგან გამომშრალს ნაოჭები უჩნდება. იმავეს თქმა შეიძლება ხელის კანზე. სისტემატურად დაიტენიანეთ ერთიც და მეორეც.
მოუწესრიგებელი წარბები
მოდაში ბუნებრივი, სქელი წარბებია, მაგრამ ეს იმას არ ნიშნავს, რომ ბრეჟნევს უნდა დაემსგავსოთ. არ დაიზაროთ და წარბები 2-3 დღეში ერთხელ მოიწესრიგეთ.
დამსკდარი ტუჩები
ტუჩის ბალზამი მუდამ თან უნდა გქონდეთ. მის გარეშე პომადასაც ვერ წაისვამთ. იმისათვის, რომ ტუჩები მუდამ საკოცნელად გამოიყურებოდეს, სვით მეტი წყალი და ხშირად გადაისვით ბალზამი ან ზეითუნის ზეთი.
