მრავალი წლის წინ ბებიაქალმა მძიმე მშობიარობის დროს ქალი და მისი ახლშობილი ქალიშვილი გადაარჩინა, მოგვიანებით კი გადარჩენილი გოგონა მისმა ვაჟმა ცოლად მოიყვანა.
2001 წელს მერი ენ უესტი ბებიაქალად მუშაობდა ქალაქ ბოუნტიფულის (იუტა, აშშ)კლინიკაში. უნდა ითქვას, რომ მედდის მრავალწლიანი პრაქტიკის განმავლობაში მერის უამრავი გართულება უნახავს, რაც ისე იშვიათია. მაგრამ 22 წლის წინანდელი ივნისის ცვლა არ ავიწყდებოდა.
იმ დღეს, ახალგაზრდა ქალი, სტეისი პოლი, საავადმყოფოში დაწყებული მშობიარობით შეიყვანეს. დედა ძალიან აღელვებული იყო და მედდა ვესტი მისკენ გაიქცა, რათა დამშვიდებაში დახმარებოდა და მშობიარობისთვის მოემზადებინა, მაგრამ აღმოაჩინა, რომ მომავალ დედას უფრო სერიოზული ჩარევა სჭირდებოდა: მას სიცოცხლისთვის საშიში მდგომარეობა უვითარდებოდა. ჭიპლარიას პათოლოგია, რომელიც დაუყოვნებლივი ჩარევის გარეშე ფატალური სისხლდენით დასრულდება. საბედნიეროდ, მერიმ პათოლოგია დროულად შენიშნა, სისხლდენა სეაცერა და დედა-შვილის სიცოცხლე გადაარჩინა.
ასე რომ, ბებიაქალის პროფესიონალიზმისა და კომპეტენტური ქმედებების წყალობით, კელსი ჯანმრთელი და უვნებელი დაიბადა. “მედდა ჩემზე ადრე შეეხო. მან ბავშვი მუცელზე დამიწვინა და მაჩვენა, რომ კარგად იყო,” – იხსენებს გოგონას დედა. გარკვეული პერიოდის შემდეგ, სტეისი და მისი ახალშობილი ქალიშვილი საავადმყოფოდან გაწერეს. მერი დაემშვიდობა მათ და არასოდეს უფიქრია, რომ მათი გზები გადაიკვეთებოდა.
თუმცა 22 წლის შემდეგ სწორედ ასე მოხდა, როცა მერის შვილმა დაქორწინება გადაწყვიტა. მერის ვაჟმა, სახელად ტეილორმა, კეისი შემთხვევით ბანკში გაიცნო. მას მაშინვე მოეწონა გოგონა, გრძნობა კი ორმხრივი აღმოჩნდა – ახალგაზრდებს ერთმანეთი შეუყვარდათ. ცოტა ხანში შეყვარებულები უკვე ქორწილს გეგმავდნენ, მაგრამ ჯერ ერთმანეთის მშობლები უნდა გაეცნოთ.
მერიმ მომავალი რძალი რომ დაინახა, იფიქრა, რომ ნაცნობი სახე ჰქონდა, მაგრამ მაშინვე ვერ მოისაზრა, სად ეყოლებოდა ნანახი გოგონა. მთელი საღამო ქალმა ვერ მოისვენა, სანამ საბოლოოდ მიხვდა, რომ მისი შვილის რჩეული ის ბავშვი იყო, რომელიც მან 2001 წლის 15 ივნისს გადაარჩინა. მერის პალატაში გადაღებული ფოტო ჰქონდა, სადაც კელსი ხელში ეჭირა, ახალნამშობიარევი სტეისიც აღბეჭდილიყო კადრში. გოგონა ძალიან დაემსგავსა დედას, ამიტომ მისი სახე ბებიაქალს მაშინვე ეცნო. ოჯახი შოკში ჩავარდა სურათების დანახვისას!
„ამის შემდეგ კიდევ ერთხელ დავრწმუნდი, რომ ტაილერი ის ადამიანია, ვისთან ერთადაც მთელი ცხოვრება მინდა ვიყო. მის ოჯახთან უფრო ახლოს ვგრძნობ თავს“, – თქვა კელსიმ.
სტეისს, პატარძლის დედას, ყოველთვის ახსოვდა ის, რაც მერიმ გააკეთა მისთვის და მადლიერი იყო მშობიარობის დროს დახმარებისთვის. ახლა კი უხარია, რომ მის ქალიშვილს ორი დედა ეყოლება.
მერისაც გაუხარდა, რომ ის „მშვენიერი“ ბავშვი, რომლის სამყაროში მოვლინებასაც დაეხმარა, მისი ოჯახის წევრი გახდებოდა. “ჩემი მომავალი რძალი 22 წლით ადრე გავიცანი, სანამ ჩემი შვილი მას შეხვდებოდა. ეს ბედის წერა იყო და ასე უნდა მომხდარიყო”, – ხუმრობს მედდა.
წყარო : Mshoblebi.ge
