ცნობილი ქართველი ჟურნალისტი გარდაიცვალა – “ნამდვილი ლეგენდა დააკლდება საქართველოს”

ცნობილი მთარგმნელი, პროზაიკოსი და ჟურნალისტი გურამ გოგიაშვილი 88 წლის ასაკში, ხანგრძლივი ავადმყოფობის შემდეგ გარდაიცვალა.

სახელმწიფო უნივერსიტეტის დამთავრების შემდეგ, გურამ გოგიაშვილი 1958 წლიდან სხვადასხვა რედაქციაში სხვადასხვა თანამდებობაზე მუშაობდა.

პირველი ნაწარმოები თბილისის სახელმწიფო უნივერსიტეტის ალმანახ „პირველ სხივში“ გამოაქვეყნა.

1992-1996 წლებში გაზეთ „საქართველოს რესპუბლიკის“ მთავარი რედაქტორი იყო;

გამოცემული აქვს თარგმნილი პროზაული და პოეტური კრებულები.

გურამ გოგიაშვილს ეკუთვნის ფრანსუა რაბლეს „გარგანტუა და პანტაგუელის“ თარგმანი.

ასევე, თარგმნა ნიკოლას გილიენის, ალექსანდრე ბლოკის, რაინერ მარია რილკეს, ჟაკ პრევერის, ანტონ ჩეხოვის, კონსტანტინე პაუსტოვსკის, ალექსანდრე ოსტროვსკის და სხვა მწერლების ნაწარმოებები.

გურამ გოგიაშვილი არის ივანე მაჩაბლის და ვაჟა-ფშაველას პრემიების ლაურეატი.

1996 წელს ღირსების ორდენით დააჯილდოვეს, 2003 წელს კი და ვახტანგ გორგასლის მესამე ხარისხის ორდენი გადაეცა.

გურამ გოგიაშვილს 27 ივნისს კასპის რაიონის სოფელ ზემო ხანდაკში დაკრძალავენ.