რუსული Telegram არხების ინფორმაციით, მოსკოვის ციხეში პატიმრები აჯანყდნენ.
“ბუტირკა” მოსკოვის ერთ-ერთი ყველაზე საშინელი ციხეა, ის ჯერ კიდევ ეკატერინე მეორის დროს აშენდა და მასში სასჯელს იხდიდა თითქმის ყველა ცნობილი პატიმარი.
გავრცელებული ინფორმაციით, აჯანყებაა “ვოდნიკის” წინასწარი დაკავების იზოლატორშიც. “ვაგნერელებმა” დაიწყეს როსტოვის ოლქში ციხეების აღება- პატიმრებს კი მოუწოდებენ, რომ მათ რიგებს შეუერთდნენ.
გუშინ „ვაგნერის“ დამფუძნებელმა, ევგენი პრიგოჟინმა რუსეთის სამხედრო ხელმძღვანელობა მისი მებრძოლების ბანაკებზე დარტყმების განხორციელებაში დაადანაშაულა. პრიგოჟინმა განაცხადა, რომ იწყებს სამართლიანობის მარშს მოსკოვზე, რათა შეაჩეროს „ბოროტება, რომელსაც ატარებს ქვეყნის სამხედრო ხელმძღვანელობა“. რუსეთის უსაფრთხოების სამსახურმა ევგენი პრიგოჟინის წინააღმდეგ სამხედრო ამბოხებისკენ მოწოდების ბრალდებით, სისხლის სამართლის საქმე აღძრა.
