დათო ფორჩხიძეს და მის კოლეგებს რაც შეეხება
სოფო ბათილაშვილი სოციალურ ქსელში პოსტს აქვეყნებს და დათო ფორჩხიძის ნოე სულაბერიძესთან ჩაწერილ ინტერვიუს ეხმაურება.
მომღერალი მის გარშემო განვითარებულ სკანდალზე წერს და პოსტში ნოე სულაბერიძესაც მიმართავს.
„ნოე სულაბერიძე გვარით რომ მომიხსენიებს, ალბათ ბოტანიკის მასწავლებელია ჩემი. ან ქეისი შევიდა ისტორიაში როგორც “ბათილაშვილის საქმე” და მოვლენებს ჩამოვრჩი.
დათო ფორჩხიძეს და მის კოლეგებს რაც შეეხება, მეტი გულწრფელობა, ან საერთოდ დუმილი იქნებოდა ჩემი რჩევა.
ერთი უნდა ითქვას, დათო ფორჩხიძეს ადამიანურად მოუკვდა გული ჩემზე და ეს საცოდავი ესაო, დამიცვა.
მართლა ეს საცოდავები-მეთქი, ვფიქრობდი, რო გავიგე რეები ტრიალებდა და მაინც ყველა ბოლომდე თავმომწონედ განაგრძობდა ჟიურის თუ არაჟიურის სკამებზე ჯდომას, სიმღერას და ცეკვა-თამაშს.
სულ სხვისი ბრალია, იმიტომ რომ სულ თავის მოტყუებაა.
თავის მოტყუებაში დიდი სიმშვიდეა და პატარა საჯდომი.
ხოდა, ჩემო ლამაზო სამშობლო, ძაან მიყვარხარ, მარა რავი.
ა და ხო, დათო ფორჩხიძე, თქვენი, ძველების ენაზე გეტყვი: შენი “ბავშვი” ტყეში დარბის”, – წერს სოფო ბათილაშვილი.
ცნობისთვის, გადაცემაში ნოე სულაბერიძემ დათო ფორჩხიძეს სოფო ბათილაშვილის მისამართით კითხვა დაუსვა.
ნოე: შეაფასე ბათილაშვილზე რა მოხდა?
ფორჩხიძემ უპასუხა: „სოფო ბათილაშვილის შემთხვევაში ცუდი რამ მოხდა. მე მინდოდა ეგ ბავშვი ამეყვანა და ბლოკის ღილაკის თემა იყო. სტეფანემ დააჭირა. ძალიან ძნელი იყო მაგ ბავშვის მხარდაჭერა, რადგან თითქოს იქ მყოფი დარბაზი, ახლობლები და ნათესავები ამადლიდნენ: შენ ხომ უკვე მოიგე, ჩვენც გვაცადე, გეყოფა. თითქოს მისი ბრალი იყო, რომ ოდესღაც რაღაც მოიგო და წარმატებას მიაღწია.
ვხვდებოდი, რომ ბავშვი იჩაგრებოდა. არ ვამბობ, რომ მე მას აუცილებლად გავიყვანდი, მაგრამ შეიძლებოდა. ძნელი იქნებოდა, რადგან აგრესია მოდიოდა. არ მინდა ეწყინოს ახლა, ამას რომ ვამბობ, უბრალოდ თანავუგრძნობ, რა დააშავა”, – საუბრობს დათო ფორჩხიძე.
შეგახსენებთ, რომ სოფო ბათილაშვილი „ევროვიზიის” შესარჩევ კონკურსში „ვოისში” იღებდა მონაწილეობას. სოფო ერთ-ერთი მონაწილე იყო, რომელიც ოთხი მენტორიდან სოფო ტოროშელიძის გუნდში მოხვდა, თუმცა 12 იანვარს, როდესაც ეთერში სოფო ტოროშელიძის და სტეფანეს გუნდის წევრები გამოდიოდნენ, სოფომ მაყურებლისგან ხმათა საკმარისი რაოდენობა ვერ მიიღო, მისმა მენტორმა კი გუნდიდან სხვა წევრი, ლიკა სირაძე გადაარჩინა. იმ დღეს, სოფო ბათილაშვილმა პროექტი დატოვა.
წყარო : Fortuna.ge
