ცნობილი ხდება, რომ კიდევ ერთი რუსი დიზაინერი, ვალენტინ იუდაშკინი გარდაიცვალა. ინფორმაციას რუსული მედია იუდაშკინის მეუღლეზე დაყრდნობით ავრცელებს. დიზაინერი 59 წლის იყო და ის წლებია სიმსივნის დიაგნოზს ებრძოდა. იუდაშკინი რუსეთის ყველაზე გავლენიანი დიზაინერი იყო, რომელიც პოლიტიკოსებსა და შოუბიზნესის ვარსკვლავებს აცმევდა.
ორი დღის წინ, 30 აპრილს გარდაიცვალა კიდევ ერთი ცნობილი დიზაინერი ვიაჩესლავ ზაიცევი, რომლის სიკვდილიც რუსულმა ელიტამ მოდის უდიდეს დანაკარგად შეაფასა.
