როდესაც ეკრანზე ლამაზი წყვილი ჩნდება, მაყურებელს ყოველთვის უჩნდება ინტერესი, რეალურ ცხოვრებაშიც ხომ არ არის მათ შორის რომანი. ხანდახან ასეც ხდება ხოლმე. თურქული სერიალის “ჩემი ფავორიტის” ახალგაზრდა ვარსკვლავები რეალურ ცხოვრებაშიც დაწყვილდნენ.
გოგონა აფრა სარაჩოღლუა, თურქი მსახიობი და მოდელი. 1997 წლის 2 დეკემბერს დაიბადა ქალაქ ედრემიტში. მისი მშობლები მალე გაიყარნენ და დედა გოგონას მარტო ზრდიდა. აფრას მას შემდეგ მამასთან ურთიერთობა არ აქვს, ასე გადაწყვიტა. 14 წლიდან დაიწყო მოდელობა, რომ ცოტა ფული ეშოვა და დედას დახმარებოდა. ასე აღმოჩნდა სამოდელო სფეროში. სკოლის დამთავრების შემდეგ ანატოლიის უნივერსიტეტში ჩააბარა, ამასობაში სამოდელო სფეროში საკმაო წარმატებები ჰქონდა და კინოდანაც მოვიდა შემოთავაზებები.
ფილმებმა და სერიალებმა მალე მოუტანა პოპულარობა და დღეს თურქული კინოს ამომავალი ვარსკვლავია. მოდელობასაც აგრძელებს და რამდენიმე წამყვანი ბრენდის სახეც არის.
აფრა 4 წელი ხვდებოდა კიდევ ერთ მსახიობს – მერტ იაზიჯიოღლუს.
ერთ-ერთი სერიალის, გადაღებებზე კი გაიცნო მერტ რამაზან დემირი. სერიალ “ჩემი ფავორიტის” გადაღებებზე ეკრანულ წყვილს შორის რაღაც სხვა ურთიერთობა დაიწყო. არადა, ორივე მერტი ერთმანეთს არათუ იცნობს, მეგობრობდნენ კიდეც და ერთადაც უთამაშიათ ფილმებში. თუმცა თურქულ პრესაში წერდნენ, რომ აფრას გამო მეგობრებს შორის შავმა კატამ გაირბინა.
ფაქტია, სერიალის გადაღებების დაწყებიდან მალევე აფრა დაშორდა შეყვარებულს და სულ უფრო ხშირად ხედავენ რამაზან დემირთან, რომელიც ფილმში მის ქმარს განასახიერებს. ზოგიერთები ფიქრობენ, რომ ეს სერიალის დასარეკლამებლად მოგონილი რომანია, თუმცა სხვები დარწმუნებული არიან, რომ წყვილს შორის მართლაც გაჩაღდა სერიოზული ამბები.
მერტ რამაზან დემირი 1998 წლის 25 ნოემბერს არის დაბადებული სოფელ შილეში, სტამბოლთან ახლოს. მამა ბიზნესმენი იყო, დედა – დიასახლისი. ოჯახში ხუთი ვაჟი იზრდებოდა და მერტი ნაბოლარა იყო. დაყწებითი განათლება სოფელშივე მიიღო, იქვე დაიწყო ვარჯიში, რომ მიეღწია მიზნისთვის – გამხდარიყო ცნობილი ფეხბურთელი ან კალათბურთელი. თუმცა 17 წლისამ მოულოდნელად შეიცვალა მიზნები და თეატრალურ წრეზე ჩაეწერა. მალევე გადაწყვიტა მსახიობობა, სამსახიობო
სტუდიაში გაიარა კურსები და კინოშიც 2015 წელს გამოჩნდა.
ეპიზოდურ როლებს მხოლოდ ხუთი წლის შემდეგ მოჰყვა მნიშვნელოვანი როლი სერიალში, რის შემდეგაც ახალი ვარსკვლავი აღიარეს და დღეს უკვე, ერთ-ერთი წამყვანი მსახიობია.
წყარო : Mshoblebi.ge
