ბავშვზე იყო ძალადობის მცდელობა, საქანელიდან სიბნელეში რატომ წავიდოდა თუ ცუდად გახდა? სავარაუდოდ, მოძალადემ სცადა ძალადობა და გაიქცა – ამის შესახებ კესარია აბრამიძე სოციალურ ქსელში წერს.
მისი თქმით, ეს არის გარდაცვლილი გოგონას დედის ვერსია.
“რა მაკარონი და რა ჩიფსი, ახლა მოვდივარ სამძიმრიდან, ხალხნო, ნუ გჯერათ ამ პრიმიტიული სისულელეების. ბავშვზე იყო ძალადობის მცდელობა, საქანელიდან სიბნელეში რატომ წავიდოდა თუ ცუდად გახდა. სავარაუდოდ, მოძალადემ სცადა ძალადობა და გაიქცა. ბავშვს ჰქონდა გეტრი გადახეული მუხლებზე ,ბევრი ისეთი გარემოებაა,რაც მხოლოდ ძალადობაზე მიანიშნებს. შიშის ნიადაგზე ბავშვს დაემართა პირღებინება, რამაც გამოიწვია გაგუდვა, ხოლო მოძალადე გაიქცა!
P.s. ეს არის გარდაცვლილი ბავშვის დედის (ჩემი მეგობრის) ვერსია. დიდი იმედია, გამოძიება უფრო ზუსტად დაადგენს ბავშვის გარდაცვალების მიზეზს. ამ ეტაპზე ეს არის ყველაზე რეალური ვერსია”. – წერს კესარია აბრამიძე.
გუშინ, დიდ დიღომში, 12 წლის გოგონა გარდაცვლილი იპოვეს.
