თურქული სერიალების მოყვარულებს ახალი ტრფობის ობიექტი ჰყავთ. მსოფლიოს არაერთ ქვეყანაში და მათ შორის, საქართველოშიც პოპულარობით სარგებლობს სერიალი Emanet, რომელსაც ჩვენთან შემდეგი სახელით, “სხვისი შვილი“, იცნობენ.
სერიალმა ახალბედა მსახიობი, ჰალილ იბრაჰიმ ჯეიჰანი თურქული კინოინდუსტრიის ახალ ვარსკვლავად აქცია. ის მთავარ გმირს, იამანს თამაშობს. ჰალილს სერიალში მიღებულმა როლმა ათასობით ფანი შემატა.
ამჟამად სერიალში მისი მეწყვილე ქართველი სმახიობი ნანა სტამბოლიშვილია.
აღსანიშნავია, რომ მომხიბვლელი მსახიობი 35 წლისაა და აღნიშნული სერიალი სამსახიობო კარიერაში მისი პირველი ნაბიჯი იყო.
ჰალილ იბრაჰიმ ჯეიჰანი მომღერალი, კომპოზიტორი, ფოტომოდელი და ფოტოგრაფია.
ის 1986 წელს, პირველ იანვარს, სტამბოლში დაიბადა. 2007 წელს თურქეთის საუკეთესო მამაკაცის მოდელი ტიტული მიიღო, რის შემდეგაც წარმატებული სამოდელო კარიერა ჰქონდა. მონაწილეობა აქვს მიღებული არაერთ ჩვენებაში. სოციალურ ქსელებში ჰალილის პოპულარობა 2009 წლიდან იწყება, როდესაც YouTube არხზე თავისი სიმღერების გამოქვეყნება დაიწყო.
ჰალილის გმირი სერიალში მკაცრი მზერით გამოირჩევა და არასდროს იღიმის. ფანები დაინტერესდნენ, თუ როგორია რეალურ ცხოვრებაში მსახიობი, რამდენად ჰგავს თავის გმირს. გულშემატკივრების პასუხად კი “ინსტაგრამზე” ფოტო გამოაქვეყნა და თაყვანისმცემლებს აჩვენა, რომ ხანდახან გაღიმება მასაც შეუძლია.
