საგანგებო სიტუაციების მართვის სამსახურის თანამშრომელი მიშო შუბითიძე, რომელიც ქართველ მაშველებთან ერთად თურქეთში, მიწისძვრის შედეგად დაზარალებული ადამიანების დასახმარებლად არის წასული, სოციალურ ქსელში პოსტს აქვეყნებს.
როგორც მიშო შუბითიძე წერს, ქართველებმა კიდევ ერთხელ დაამტკიცეს, რომ არავისზე ნაკლები არ არიან. ქართველი მაშველი წერს, რომ ადგილობრივები, როგორც კი საქართველოს გაიგებენ, სიხარულით და იმედით ივსებიან.
„1 კვირა გავიდა რაც აქ ვართ, რა შემიძლია ვთქვა, ადგილობრივების გასაჭირზე არაფერს ვიტყვი…. მაგრამ საქართველომ და ჩვენმა ბიჭებმა კიდევ ერთხელ აჩვენა მთელს მსოფლიოს, რომ სხვაზე უკეთესები თუ არა ნაკლები არაფრით არ ვართ! ადგილობრივები პირდაპირ გვთხოვდნენ თქვენ მოდით თქვენ დაგვეხმარეთ სხვა არ გვინდაო. საქართველოს როგორც კი გაიგებენ, სიხარულით და იმედით ივსებიან, რადგან ხედავენ რომ თავს არ ვზოგავთ, ასეთები ვართ ქართველები, პატარა ერი დიდი გულით“, – წერს მიშო შუბითიძე სოციალურ ქსელში.
