სიმაი ბარლასია ქართველმა მაყურებელმა სერიალ “აზიზიდან” გაიცნო. მანამდე მსახიობმა რამდენიმე სხვა თურქულ სერიალში გაიბრწყინა. მისთვის მურატ ილდირიმის პარტნიორობა განსაკუთრებული იყო და თანაც, ამ როლისთვის ფაქტობრივად მთელი სერიალის განმავლობაში უმაკიაჟოდ ითამაშა.
სიმაი 1996 წლის 8 მაისს სტამბოლში დაიბადა. ბავშვობაში ბალეტით იყო გატაცებული, 16 წლიდან კი უკვე მონაწილეობდა გადაღებებსა და ჩვენებებში – როგორც ბევრმა მისმა კოლეგამ, კარიერა სამოდელო ბიზნესით დაიწყო.
სიმაიმ სტამბოლშივე დაამთავრა ბილგის უნივერსიტეტი და შემდეგ აქტიურად დაიწყო მსახიობობა.
მას უფროსი ძმა ჰყავს, რომელიც მოკლემეტრაჟიანი ფილმების რეჟისორია.
რაც შეეხება მის პირადს, ბოლო პერიოდში ბარლასია თურქ კალათბურთელს სონერ კორკმაზს ხვდება.
