“ვენერა ობოლაშვილის საქმეზე ადვოკატი ვიყავი. ვენერას მხარეს ერთი კაცი დადიოდა ხოლმე. პროკურორმა ჰკითხვა თქვენ ვინ ბრძანდებითო, კაცმა კი წარმოუდგენელი რამ უპასუხა…”

დღეს მთელი საქართველო ინტერნეტვარსკვლავის ვენერა ობოლაშვილის გათავისუფლებაზე ალაპარაკდა,

როდესაც რუსთავი 2-მა მასთან ინტერვიუს ანონსი გამოაქვეყნა. უამრავი სასაცილო ამბავი დაიწერა, რომელიც საზოგადოებამ წამიერად აიტაცა.

იურისტი გიორგი მშვენიერაძე იხსენებს ვენერა ობოლაშვილის პროცესის ისტორიას, სადაც ის ერთ-ერთი დაზარალებულის ადვოკატი გახლდათ და ყვება: “ცოდვა გამხელილი სჯობს და ვენერა ობოლაშვილის პროცესზე ადვოკატი ვიყავი, ერთ-ერთ დაზარალებულს ვიცავდი. დაზარალებულები ბლომად იყვნენ თაღლითობის ეპიზოდებზე და დარბაზიც მათ მხარეს ყოველთვის სავსე იყო. აი, ბრალდებულების მხარეს კი, ერთი კაცი დადიოდა სისტემატურად. ერთ-ერთი პროცესის მერე პროკურორი მიადგა:
– ბატონო, თქვენ ვინ ბრძანდებითო?
– ვენერას ქმარი ვარო – იმ კაცმა.
– ბატონო, მერე აქეთ გადმოჯექით, დაზარალებულებისკენ, როგორც პერსპექტიული დაზარალებულიო.”