კახეთში ავარიას ორი ადამიანი ემსხვერპლა ორი დაშავებული კი, სხეულის სხვადასხვა სახის დაზიანებით, თელავის რეფერალურ საავადმყოფოშია გადაყვანილი.
„ეს ბიჭები სოფელ კურდღელაურიდან არიან, მეზობლები, როგორც ვიცი. ისეთი საშინელი ავარია იყო, მანქანა ნაკუწებად დაიშალა. რომ გენახათ, არ დაგავიწყდებოდათ ეს კოშმარი. მძღოლი ძლივს ამოიყვანეს მაშველებმა, იქვე გარდაცვლილი იყო. წარმოშობით სოფელ ფშავლიდან არის, ასე გავიგე, მაგრამ კრდღელაურში ცხოვრობენ, მანქანის ხელოსანი იყო. განადგურდა ოჯახები ამ წინასაახალწლოდ“,- ამბობენ თვითმხილველები.
ავარიისას ვალერ ტატულაშვილი და შოთა ბოჭორიძე დაიღუპნენ. შოთა ბოჭორიძე მომღერალი იყო, მის სიმღერებს უამრავი ნახვა ჰქონდა.
