8 წლის დათის უკვე მთელი საქართველო იცნობს და გულშემატკივრობს. ბავშვს ავტომობილი 31 მარტს, დილით დაეჯახა. ბოლოს კი ის ისრაელის კლინიკაში მკურნალობდა.
სულ ცოტახნის წინ დათის დედამ ძალიან სამწუხარო ინფორმაცია გაავრცელდა. როგორც ის წერს დათის პროთეზის დაყენებაზე იმედი გადაუწურეს. დედა ასევე წერს რომ დათისთვის დაჯდომაც პრობლემაა რადგან შინაგან ორგანოებს არაფერი იცავს და შეიძლება დაზიანდეს.
„დღეს დათიკო გვყავდა კონსულტაციაზე მსოფლიოში ერთ-ერთ წამყვან რეაბილიტაციის ცენტრ ლევინშტეინში. საბოლოოდ გადაგვიწურეს იმედი პროთეზის დაყენებაზე….
იმპლანტის ჩადგმაც წარმოუდგენელია, ფიზიკურად არაფერია რაზე უნდა მიმაგრდესო…..არც ამათ ჰქონიათ მსგავსი შემთხვევა, ისევე როგორც გერმანიაში გვითხრეს მორიდებით….
არსად წერია, არსად გვისწავლია და არ ვიცით რა შეიძლება გაკეთდესო. დაჯდომაც პრობლემაა რადგან შინაგან ორგანოებს არაფერი იცავს და შეიძლება დაზიანდესო…
ტყუილად მეგონა რომ მედიცინა სასწაულებს ახდენს ამ ეპოქაში… არადა დათიკო დღეებს ითვლიდა ტრანსფორმერობამდე“, – წერს დათის დედა
