ტელეწამყვანმა და პროექტის “ვეძებ” ავტორმა თამუნა მუსერიძემ დღეს სოციალურ ქსელში პოსტი გამოაქვეყნა. ის ეძებდა ქალს, რომელსაც შვილი მოტყუებით გაუყიდეს.
როგორც მუსერიძე წერდა, ცოტა ხნის წინ ამერიკიდან გოგონასგან წერილი მიიღო.
“ამერიკიდან მწერს გოგონა, რომელიც შოკშია. ცოტა ხნის წინ აღმზრდელმა მამამ უთხრა, რომ საქართველოდან 1993 წელს წაიყვანეს, რომ დედამისს სამშობიაროში უთხრეს ბავშვის გარდაცვალება და არ იცის რომ ცოცხალია”, – წერდა თამუნა მუსერიძე.
ამ პოსტის გავრცელებიდან დაახლოებით 2 საათში მუსერიძემ ფეისბუქში დაწერა, რომ დედა იპოვა.
“ვიპოვეთ ხალხო !! დედა, რომელსაც 1993 წელს უთხრეს რომ ბავშვი მოუკვდა და ამერიკაში გაუყიდეს, ვიპოვეთ !!” – წერს თამუნა მუსერიძე.
