ბორჯომში მომხდარი ავტოავარიის დროს ერთი მოზარდი გარდაიცვალა. როგორც ირკვევა, მანქანაში მე-12 კლასის მოსწავლეები ისხდნენ და სკოლის დამთავრების აღსაღნიშნავად, მწვანე მონასტერში მოსალოცად იყვნენ მისული. მოზარდები უკან ბრუნდებოდნენ, როდესაც ავტომობილი მდინარეში გადავარდა.მანქანაში 4 ახალგაზრდა იჯდა. ადგილზე მისულ სასწრაფო სამედიცინო დახმარებას ერთი მოსწავლე გარდაცვლილი დახვდა, ხოლო სამი მრავლობითი დაზიანებებით ბორჯომის კლინიკა “ჯეო ჰოსპიტალში” გადაიყვანეს. მათაგან ერთი გოგონა და ორი ბიჭია.
როგორც ambebi.ge -ს ბორჯომის მუნიციპალიტეტის გამგეობაში განუცხადეს, რომ დაღუპული 17 წლის მოზარდი ბორჯომის მე-3 სკოლის მოსწავლე ლუკა ლეკიაშვილია.
საშინელება ტრიალებს. ლუკას დედაც ამავე სკოლის მასწვალებელია, ინგლისურს ასწავლის. ბოლო ზარი უკვე დასრულებული იყო, ავტომობილების კოლონა მწვანე მონასტრის ტერიტორიიდან ხაშურისკენ მიდიოდა, სადაც რესტორანში უნდა ექეიფათ. სხვები უკვე წინ იყვნენ და ეს მანქანა უკან იყო, რა დროსაც მოხდა ავტოსაგზაო შემთხვევა.
ავტომობილი მდინარეში გადავარდა. ვიზულაური დათვალიერებით გარდაცვლილ ბიჭს სხეულზე მნიშვნელოვანი დაზიანებები არ აღენიშნება, არაოფიციალური ვერსიით, წყალში გადავარდნისას შესაძლოა გული გაუსკდა” – ამბობენ შემთხვევის ადგილზე მყოფი ბორჯომელები
წყარო: https://www.ambebi.ge/article/277197-sashineleba-trialebs-lukas-dedac-amave-skolashi/
